விமானப்படை அணிக்கும் பொலிஸ் அணிக்கும் இடையில் ஹொக்கி கண்காட்சி போட்டி நடைபெற்றது .

(லியோன்)

இலங்கை விமானப்படை அணிக்கும் இலங்கை பொலிஸ் அணிக்கும் இடையிலான  ஹொக்கி கண்காட்சி  போட்டி மட்டக்களப்பு வெபர் மைதானத்தில் நடைபெற்றது .

  

. 

இலங்கை  விமானப்படை அணிக்கும் இலங்கை பொலிஸ் அணிக்கும் மட்டக்களப்பு மாவட்டத்தில் முதல் முறையாக நடைபெற்ற ஹொக்கி போட்டி 03.11.2016 மட்டக்களப்பு வெபர் மைதானத்தில் நடைபெற்றது .

மட்டக்களப்பு மாவட்டத்தில் ஹொக்கி விளையாட்டினை அறிமுகப்படுத்தும்  வகையிலும் மட்டக்களப்பு மாவட்டத்தில் ஹொக்கி விளையாட்டு சங்கத்தினை அங்குரார்ப்பணம் செய்யும் நிகழ்வு மட்டக்களப்பு வெபர் மைதானத்தில் நடைபெற்றது.

மட்டக்களப்பு மாவட்ட ஹொக்கி சங்கத்தின் ஏற்பாட்டில் மட்டக்களப்பு கல்வி வலயத்தின் ஒத்துழைப்புடன் இந்த நிகழ்வு நடைபெற்றது .

மட்டக்களப்பு மாவட்ட ஹொக்கி சங்கத்தின் தலைவர் வை . கோபிநாத் தலைமையில் நடைபெற்ற இந்நிகழ்வில் பிரதம விருந்தினராக மட்டக்களப்பு உதவி பொலிஸ் அத்தியட்சகர்  கே .பி . கீர்த்திரத்ன  , சிறப்பு விருந்தினர்களாக விமானப்படையின் கட்டளை அதிகாரி ஹெட்டிஹாரச்சி ,மட்டக்களப்பு மாவட்ட உதைப்பந்தாட்ட சங்க தலைவரும் , மட்டக்களப்பு மாநகர ஆணையாளருமான எம் .உதயகுமார் , மட்டக்களப்பு மாவட்ட பிராந்திய தேர்தல் அத்தியட்சகர் சசீலன் , மட்டக்களப்பு வலயக்கல்விப் பணிப்பாளர் கே.பாஸ்கரன் , உடல்கல்வி உதவிக்கல்விப் பணிப்பாளர் வி .லவக்குமார்  மற்றும் பாடசாலை மாணவர்கள் ,ஆசிரியர்கள் , பொலிஸ் உத்தியோகத்தர்கள் , விமானப்படை அதிகாரிகள் கலந்துகொண்டனர் .

இந்நிகழ்வின் போது மாணவர்களின் பல்வேறு கலாசார அணிவகுப்பு நிகழ்வுகளும் நடைபெற்றது .

இதன் போது ஹொக்கி விளையாட்டினை மட்டக்களப்பு மாவட்டத்தில் அறிமுகம் செய்யும் வகையில் இலங்கை விமானப்படை  ஹொக்கி அணிக்கும் இலங்கை பொலிஸ் ஹொக்கி அணிக்கும் இடையில் கண்காட்சி  ஹொக்கி போட்டி  நடைபெற்றது .

இந்த போட்டியில் இரண்டு அணிகளும் சிறப்பாக விளையாடி இரண்டு கோள்கள் வீதம் பெற்றுக்கொண்டதுடன் இப்போட்டி சமநிலையில் நிறைவுற்றது .இந்நிகழ்வின் போது  மாணவர்களின் கலை நிகழ்வுகளும் இடம்பெற்றது .